Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Böyük duz gölünün altında gizli vahələr aşkarlandı
ABŞ-ın Yuta Universitetinin geoloqları Böyük duz gölündə aparılan araşdırmalar zamanı diqqətçəkən kəşfə imza atıblar.
Qaynarinfo xəbər verir ki, alimlər gölün cənub-şərq sahili boyunca yeraltı suların üzə çıxması ilə yaranan sirli vahələri - qamışla örtülmüş təpəcikləri müəyyən ediblər.
Bu kəşf gölün səviyyəsinin ildən-ilə azalması fonunda üzə çıxıb və alimlərə yeraltı və səth sularının qarşılıqlı təsirini öyrənmək üçün nadir imkan yaradıb.
Geologiya professoru Bill Consonun sözlərinə görə, bu təpəciklər yeraltı suların göl dibindən təzyiqlə üzə qalxdığı yerlərdə formalaşır. Gölün geri çəkilməsi ilə əvvəllər gizli olan bu proses aydın görünməyə başlayıb.
Alimlərin qrupu piezometrlər və aeroelektrik kəşfiyyat metodlarından istifadə edərək bu təbii vahələrin yerləşməsini və onları bəsləyən yeraltı şəbəkəni xəritələşdirir. 2025-ci ilin fevralında Farminqton körfəzində helikopterlə aparılan aeroelektromaqnit çəkilişlər yeraltı suların üçölçülü təsvirini yaratmağa imkan verib.
Araşdırmalar göstərir ki, bu yeraltı su mənbələri gölün quruyan dibində yaranan toz fırtınalarının qarşısını müəyyən dərəcədə ala bilər. Lakin Conson bu resursun həddən artıq istifadəsinin bataqlıqların ekosisteminə zərər verə biləcəyinə diqqət çəkərək ehtiyatlı yanaşma zərurətini vurğulayıb:
"Bu, gələcəkdə faydalı ola biləcək bir su mənbəyidir, amma biz onu anlamadan və diqqətsiz istifadə etmədən istismar etməməliyik".
Yuta Universitetinin alimləri bu təbii fenomeni daha dərindən öyrənməklə həm gölün, həm də ətraf mühitin qorunması üçün strateji yanaşmalar hazırlamağı hədəfləyirlər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər