Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Süni intellektlə təchiz edilmiş "Bayraktar TB2T-AI" PUA təqdim edildi (VİDEO)
Türkiyənin Baykar şirkəti məşhur pilotsuz uçuş aparatı Bayraktar TB2-nin modernləşdirilmiş versiyasını – Bayraktar TB2T-AI modelini təqdim edib.
Qaynarinfo xəbər verir ki, bu barədə "Baykar” şirkətinin rəsmi portalı məlumat yayıb.
Yenilənmiş dron artıq ilk sınaq mərhələlərindən keçib və bir neçə rekord müəyyənləşdirib.
Modernləşdirməyə yeni turboqavita mühərriki və qabaqcıl süni intellekt sistemlərinin inteqrasiyası daxildir. Bu təkmilləşdirmələr dronun uçuş göstəricilərini xeyli artırıb, onun muxtariyyətini yüksəldib və döyüş imkanlarını genişləndirib. TB2T-AI modelinə üç yeni süni intellekt kompüteri quraşdırılıb, bu da ona hədəfləri müstəqil şəkildə təhlil etmək, aşkarlamaq və identifikasiya etmək imkanı verir.
Yeni Bayraktar TB2T-AI aşağıdakı funksiyaları yerinə yetirə bilir:
* Avtonom qalxış və eniş;
* Uçuş-enmə zolaqlarının vizual tanınması;
* Optimal uçuş marşrutlarının müəyyənləşdirilməsi və dinamik planlaşdırma;
* Elektron mübarizə şəraitində naviqasiya;
* Təhlükəli situasiyalarda avtomatik bazaya dönüş, bu da PUA-nın sağqalma imkanlarını artırır.
Dron 9000 metrdən yuxarı hündürlüyə 30 dəqiqədən az vaxtda qalxmağa qadirdir. Son sınaqlarda isə o, 9250 metr hündürlüyə qalxaraq şəxsi rekordunu müəyyən edib. Artan qalxış çəkisinə və döyüş yükünə baxmayaraq, dronun uçuş məsafəsi də artırılıb – əvvəlki 27 saatlıq uçuş müddətindən daha artıqdır.
Digər təkmilləşdirmələr:
* Faydalı yük 50–100% artırılıb (əvvəlki 100 kiloqramdan daha çox);
* Maksimal sürət 220 km/saatdan 300 km/saatadək yüksəldilib;
* Peyk rabitə sistemi ilə idarəetmə məsafəsi 150 km-dən 1000 km-dən çoxa qədər artırılıb.
Silahlanmaya gəldikdə, Bayraktar TB2T-AI aşağıdakı sursatlarla təchiz oluna bilir:
* Lazerlə idarə olunan MAM-C bombaları;
* 22 kq çəkili və 15 km uzaqlıqda hədəfə çata bilən MAM-L bombaları;
* 200 km məsafədə hədəfi məhv edə bilən "Kamankeş” miniatür qanadlı raketləri – bu, dronun silahlanmasındakı ən yeni yenilikdir.
Hazırda "Baykar” şirkəti bu tipdən təxminən 800 ədəd istehsal edib və 36 ölkəyə ixrac həyata keçirir. Zavodun imkanları gündə bir PUA istehsal etməyə imkan verir.
Yeni güclü mühərriki, yüksək sürəti və süni intellektə əsaslanan avtonom idarəetmə qabiliyyəti ilə Bayraktar TB2T-AI öz sinfində ən güclü pilotsuz aparatlara çevrilmək potensialına malikdir.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər